新店速遞：Girl Boss by Master Kama - 我來做跟班

食物：$$$1/2

環境：$$$$

服務：$$$$

餐廳名字Girl Boss，好明顯，今天我呢隻男人老狗來到，只能是個跟班，為幾位女波士斟茶遞水，分菜換碟。

不難聯想到，這店的裝潢，是以女士為中心，幾乎每個角落都是影相位，令我想起澳門的Cha Bei。

平日下午兩點半有多來到，餐廳仍是高朋滿座，是新屎坑，抑或是這類店子根本就是受歡迎？

打開Menu，可以散叫，也有兩個Set可以揀，分別是Bossy Royal Set，以及Girl Power Set。兩款套餐有著錯綜複雜既組合俾大家揀，搞到我痛都頭埋，總之就好豐富。

    

玉子燒是店方推介，可配龍蝦、黑松露芝士，或者魚子蟹肉餡料，因為之後的食物也有龍蝦，所以挑來了最後者。蛋煎得OK的，至少唔會太老，不少的蟹肉在內，口感豐富。

接著來，是流心芝士龍蝦三文治。包身經烘過，多一份香脆感。用手搣開，半溶既芝士及澎湃的龍蝦肉教人興奮。呢個組合，都幾難會唔好食。

慢煮豬腩包，有點像台式的刈包，腩肉經慢煮後自當鬆化。另外的迷你芝士和牛漢堡，中間的牛肉厚身好吃，不讓豬腩包專美。兩份手搖薯條，分別配上帶酸的梅子味，和惹味既咖喱杯麵口味的粉，起勢地將之搖勻，有得食又有得玩。

紅蝦稱不上十分吸引，但混入了黑魚籽及海膽，整件事頓時顯得矜貴，吃一隻未嚐不可。

最後的海膽忌廉蟹肉意粉，勝在有咬口，只恨我們影相影得太久，放涼了，否則應該會幾好吃的。

唔明點解這店會沒咖啡供應，女士不可涉取咖啡因的嗎？幸好呢間既茶都唔錯。

餐廳資料:

Girl Boss by Master Kama

荃灣大壩街4-30號荃灣廣場432號舖