Cow Bean - 豐富下午茶

食物：$$$

環境：$$$1/2

服務：$$$1/2

有時候，若晚上沒有節目的話，我會選擇下午茶吃豐富一點，以取代晚餐。

Cow Bean在荃灣廣場新開張，見佢既下午茶餐價錢合理，一於找天去吃份豐富茶餐。

約五點鐘食，個人覺得最為合適。

     

睇定食咩，先到收銀處付款，再搵位坐低，店員會送餐俾你。這模式令我想起大快活的晚市，講真，大快活是愈來愈進步。

話題扯遠了，講番Cow Bean的食物，先說日式雞扒芝士漢堡，外貌是唔錯的。大口咬落去，包身微微帶脆，可是雞扒好鬼硬淨，味道雖然可以，不過我好耐無食過咁「頑強」的雞扒啦～

薯條嘛，當然要比金拱門的高幾班。

佢下午茶都有意粉供應，但僅只一款，是日為香蒜三文魚意粉。意粉正正常常，不過煮熟既三文魚幾難會好食的，這個也是太嚡口了，麻麻地。

還有夏威夷墨西哥薄餅，薄餅是超薄身，但只有邊邊位脆，中芯是軟爬爬的，很難用手拿來吃。粟米、菠蘿、火腿等配料，總會醒胃。

跟餐可配茶或啡，呢個集團既咖啡，總唔會衰得去邊既，所以來了一杯。

開始有人來吃晚餐，此時我就已經抱著肚子離開。

餐廳資料:

Cow   Bean

荃灣大壩街4-30號荃灣廣場1樓128-130號舖

24988733