龍記招牌雲吞 - 乒乓波雲吞麵

食物：$$$

環境：$$$1/2

服務：$$$1/2

原本想去泰麵膳食個船河，十一點半去到，店主叫我等十五分鐘，諗住去K11兜個圈返來便有得食，但足足等了半小時仍是落半閘，果真有車品品的風範。

時間緊迫，無謂再等了，索性在對面的龍記吃碗麵就算，否則之後的約會便會遲到。

龍記的最大特色，是只有三款麵食供選擇，分別是雲吞、鯪魚球及牛肉，當然會有油菜，產品結構是非常簡單。

    

要碗細蓉，加枝可樂，最多一陣去食下午茶。

此店的雲吞，係乒乓波類別，即老牌麵店店主會「藐」你的那種。然而，百貨應百客，呢款雲吞總唔係一文不值，否則店子都生存唔到啦！

大大粒雲吞，鳳尾還突出來。皮是滑，裡頭有兩隻蝦，蝦多過豬肉，感覺飽肚抵食。不過，若有得揀，我還是喜歡傳統細細粒的散尾雲吞。

麵既份量其實也比傳統的細蓉略多。金絲麵條雖然爽身，卻帶著鹼水味。吃到有鹼水味的雲吞麵，相當敗興。或者下次阿Q一點，食河粉囉。

飲埋枝可樂，放低四十個大洋，往下個目地的進發。

餐廳資料:

龍記招牌雲吞

尖沙咀赫德道1-3號利威商業大廈地下3號舖

23673619