食物：$$$$
環境：$$$$
服務：$$$$
話說，筆者曾與韓國政府合作，為本地的韓餐廳進行評審。那時要在短時間內，走勻大街小巷，試盡幾十間韓餐廳，非常有趣。
時光飛逝，轉眼間，又接近兩年了。
猶記得，在眾多韓餐廳之中，尖沙咀石牆道韓國料理給我的印象最深。很地道，前菜多得誇張，還有罕見的炸人蔘吃。
友人說要請食飯來答謝我的幫忙，著我介紹地方，本人又醒起這裡來。
我問朋友想唔想燒，佢回覆話不如燒一啲，再食啲其他，我倒是沒有問題。點餐後，一系列的前菜奉來，芽菜、菠菜、銀魚仔、火龍果、翠肉瓜等圍著爐邊，十分壯觀。個人最欣賞的，始終是既爽脆，又酸辣俱備的泡菜。還要一提，這些前菜，是可以免費添加的。
興之所至，對方建議喝點米酒，一於奉陪到底，來瓶生馬克麗。凍飲的一款，奶白的顏色，米香出眾，酒精成份不高，可以豪邁地大口大口喝下去。
先吃燒的，點來了牛肩裹肉，店員會幫你燒埋。牛肉真不須燒太久，質感鬆化，但調味始終及唔上日本燒肉。配上醬料、蒜頭、洋蔥及青瓜等，以生菜包裹著，又是另一番滋味。
肯肯定要重溫炸人蔘，成品跟上次一樣，香脆而不油，味帶甘香，我認為齋食都可以。若怕苦的朋友，可以沾點蜜糖來吃。看朋友停不了口的在吃，我相信我無介紹錯。
煎餃子亦弄得香口，味道不俗，輕易地給我們全清掉。
店方臨尾會送杯飲品，還記得上次是果醋，據服務員說今次的一杯是酒(?)，甜甜的，少許薑味，頗清爽，總算是妥當的安排。
多謝老友請客，希望日後有更多合作機會啦，奸悲奸悲！！！
餐廳資料:
石牆道韓國料理
可愛的炸人蔘！
回覆刪除真係好強勁的前菜陣啊～～～
回覆刪除咁快就兩年啦～
回覆刪除我唔算太怕苦，但有蜜糖又怎能錯過。：)