龍閣極上火鍋料理 - 任食，要狂擦牛

食物：$$$1/2

環境：$$$

服務：$$$

阿拔自從有新發展後，忙到嘔茄，飯都無時間食，已有好一段時間無見佢。難得這晚大家夾到時間，同佢同甜魔媽媽一齊去擦餐勁既先。

為確保佢食得飽，可以有氣有力做嘢，任食邊邊係最好既選擇，哈哈哈～話時話，酒店Buffet成日食，但任食火鍋真的是久違了。

    

呢間平民火鍋店，火鍋配料任食之餘，還放了些小食俾大家隨便攞隨便吃，如海蝦、鳳爪及木耳等。另外，汽水也是任飲，還不是那些Cheap牌子。打邊爐飲可口可樂，爽呀！

忘了從那天開始，混醬是吃火鍋的指定動作，有人中意起勢咁撈，而我偏向從簡，蒜茸豉油已經可以。

湯底滾起須時，先食個豪華的刺身拼盤，冰鎮鮑魚軟腍，三文魚是港人至愛，仲有八爪魚及希靈魚等，好豐盛。

鍋底開始滾，我們是晚點的兩個鍋，分別係醉雞鍋及四川麻辣鍋，萬料不及一向怕辣的拔兄，竟向麻辣鍋進發，看來他近期受了不少刺激。當然，呢個麻辣鍋是較為溫和的版本，否則拔兄應該搞唔掂。

反正是瘋狂掃食夜，索性來個巨型海鮮拼盤，帶子、蟶子、海蝦等配料唔出奇，龍蝦在陣才是亮點。唔使講咁多，每人來半隻，奢華一番。

作為食肉獸，幾歹都叫番幾碟牛肉，這裡的手切肥牛偏厚身，任食級數可以收貨，我個人都吃了差不多一碟才收手。

老實講，我只著重吃牛，其他的配料，什麼魚皮、芝士腸、菜蔬，以至公仔麵，可有可無，淺嚐便是。

是夜的甜品係芝麻糊，同樣是放在外面任攞，不過我就沒有吃了。

餐廳資料:

龍閣極上火鍋料理

旺角西洋菜南街51號友誠商業中心2至3樓

34228222