Tea WG Salon & Boutique - 星洲，過江

食物：$$$$

環境：$$$$

服務：$$$$

繼續介紹PP的味蕾盛宴！

之前吃的Plat du Jour水準不錯，今次更上一層樓，到樓上的Tea WG嚐佢既限定餐單，唔知會唔會有驚喜？

認識我既朋友就知道，本人對新加坡這地方有情意結，連帶對星洲的餐飲品牌亦會喜歡上。TWG，肯肯定唔會例外。

首次接觸這個品牌，是在獅城的高級商場，當時被佢七彩續紛的茶罐迷倒，入到去既試了茶，又買了馬卡龍。

    

因此，眾多參與味蕾盛宴的餐廳之中，於我而言，新加坡過江龍TWG，絕對是焦點之一。

金光閃閃，卻又不俗套的裝修，是這個品牌的標誌。聞下呢款茶，試下嗰隻茶，頓時覺得自己氣質也多了。

說回是晚的食物，先有熱暖軟熟的麵包，配上附以玄米的牛油，是非常好的開始。

餐湯與沙律二選一，是夜想飲啖湯，蕃茄湯濃稠得宜，並不是一味得個酸字，幾好的。試了點朋友的沙律，吞拿魚味鮮，菜蔬又新鮮爽脆，似乎更好。

很久沒嚐過威靈頓牛了，見餐牌有此項目，實在歡喜。威靈頓牛最蘿就是控制火侯，很容易會過火，不過單睇呢個出品既賣相，已知無咁既問題。酥香脆皮之下的牛扒，柔軟鬆化，還伴以磨菇增添口感，醬汁之調校仍令成件事更精彩。墊底的薯蓉，幼滑可口。

原本沒甚興趣試朋友點的鱈魚與蜆肉，但賣相真的吸引到我，鱈魚嫩滑酒潤是預期之中，味也沒過淡，蜆肉鮮甜肉嫩，水準不下於我的威靈頓牛。

甜品當然是大家Share了，醒胃之選有檸檬、紅莓等，紅嗓子撻都鬆脆可口，重口味的我自然喜歡濃郁的巧克力出品。

之前飲的Silver Moon十分討好，餐後再來杯Eternal Summer作冰茶，清新氣息完全溶化了我飽滯的感覺，很好。

上文所提有關味蕾盛宴的獎賞，同樣適用於TWG，不贅，快D經肥美達人訂枱啦喂。
TWG ($240): https://goo.gl/RXZvJu
TWG ($317):   https://goo.gl/35EfJJ

餐廳資料:

Tea WG Salon & Boutique

金鐘金鐘道88號太古廣場1樓162號舖

23632318