泉章居 - 樂聚於中秋

食物：$$$1/2

環境：$$$1/2

服務：$$$1/2

收到舊同事Whatsapp，說很久沒有見面，問中秋有冇時間出來食餐飯聚一聚，當做節。

唔係你忙就我忙，大大話話超過一年沒見啦，就算是佳節當前，也一於應約。

然而，臨時臨急，在這人月兩團圓的日子，要找個地方吃中菜也真不是容易的事。酒店間間Full晒，連鎖集團亦唔見好得去邊……

唔通要食西餐過中秋？(雖然大家都唔介意。)

    

朋友說：「我早啲去泉章居霸位啦！」

幾乎忘記了這個品牌，但係，打去預訂都無位，Walk in 真的行得通嗎？

幸而，未到七點，已收到佢既短訊，說已坐低左了。

太耐無見，一見面就雞琢唔斷，吃什麼求其便是，所以隨便的點了四人餐。跟餐是送上例湯，是晚的鱆魚蓮藕湯，起碼不是味精掛帥，喝了兩碗。

朋友竟話想食炸豬大腸，我自當高舉雙手贊成。豬腸是脆口，連肥脂，是邪惡之物，可惜凍冰冰的。反而底下的泡蘿蔔，更可口。

炸鮮奶則做得不錯，外層香脆，內裡很軟滑，沾點砂糖吃，又是另一番風味。

再來是我挑的，美極煎牛柳，味道是可以，洋蔥軟腍牛柳亦鬆化，卻不是美極的味道。須知美極那股獨特而吸引的口味，是無可取締的。

點都要來半隻金牌鹽焗雞，始終是招牌菜。能成為每枱都吃的招牌菜，總有其過人之處，至少肉質真是嫩滑，咸香味恰到好處，醮些沙薑，不錯吃。

超級盡興，傾到唔捨得走囉～

餐廳資料:

泉章居

旺角奶路臣街33號依利大廈2樓及地下E號舖

23960672