麻辣燙 - 從此改觀

食物：$$$$

環境：$$$1/2

服務：$$$$

早已知道中環這家麻辣燙的存在，雖然店子名聲不錯，多番獲車軚人青睞，但我一直以為這是「呃鬼佬」的川菜館，所以咁多次的辣局，也從來沒想過要在這舉行。

       

一吃之下，有點改觀。雖則環境仍是很呃鬼佬Feel，而百分之九十既客人都係老外，不過味道的確有驚喜。

選了吃套餐，由涼菜的口水雞作開端，雞皮爽口，肉質嫩滑，沒半點的雪味，味型亦很對辦，有個好開始。

再來的酸辣湯，色水比較沉，但無礙味道，酸辣偵備，且平衡得不錯，更讚的是溫度足，喝至額頭冒汁，愈飲愈過癮。除了筍絲、木耳絲、豆干等，更加入了海鮮，增添貴氣。

許多時會吃到乾燒球球，酸甜帶辣的味道夠醒胃，往往是我喜歡的菜色。這個套餐，更加是乾燒龍蝦尾，更矜貴之外，龍蝦肉也保持爽口彈牙，合心。廚子亦花了心思，在旁邊伴上菠菜麵，感覺十分清爽，跟這汁醬非常合拍，有意思。

再是位上的粉蒸牛腩，又重申了川菜不一定是辣的道理。同桌有兩位朋友不吃牛的，所以特意換上霸王豬手。其實霸王豬手並不是什麼新鮮菜，早在十年八年前在四川已流行，將麻辣度強勁，霸氣十足的豬手弄成位上，讓它多一份柔情。

唔好誤會，不是上果盤，呢碟唔係加異果，而是窩筍。翠綠而爽口的出品，原來還用上薑汁去炒，味帶清甜，亦滲出薑汁的味道，好。

所謂的麻辣燙炒飯，分別是麻婆豆腐、宮保雞丁，以及芙蓉海鮮炒飯。麻婆豆腐滑身，但個人可接受多一點的麻香。宮保雞丁酸中滲出甜味，從來岩我口胃。最後的海鮮炒飯，勝在熱度足。

套餐以一記椰子芒果奶凍作結，入有不少之芒果肉，吃得滿足。

店主見大家咁欣賞佢既出品，送來一客拔絲香蕉。拔絲唔算拔得很高，但形狀已不俗，吃起來沒黏牙，香蕉更是外脆內軟而不爛，配合雪糕，冷熱交融的效果，贏盡大家掌聲。

登入呢條Link：☝🏻https://goo.gl/P5QtPH，就可以食到呢個肥美達人既套餐啦！

餐廳資料：

麻辣燙

中環蘇豪奧卑利街7號地舖

27966866