道頓堀御好燒專門店 - 見識過~

食物：$$$

環境：$$$$

服務：$$$1/2

在K11紅到發紫的道頓堀御好燒專門店，最近在荃灣廣場開了分店，我都要扮緊貼潮流，去見識下。

中午時份，沒太多人，不單可以直行直入，仲可以揀位，但限時九十分鐘。

其實我唔明白，又唔係排緊長龍，又唔係任點任食，為什麼要限時限刻呢？Any肥，我遵守佢既遊戲規則。

    

In case 大家唔知，這店是DIY，點上御好燒/文字燒/廣島燒後，自己動手，跟著指示做就是。

先點來芝士四重奏，四式芝士、雞蛋、蔥花及蕃茄粒的組合，十分簡單。看圖識字，攪勻碗內的材料後，在鐵板上落油，每邊燒約五分鐘，再配上汁醬、海苔粉及鰹魚片便成。

雖然筆者烹調技術從來不行，但燒香了的芝士，味道衰極有個譜，只是實在有點太漏。

另一款是廣島燒，有豚肉、蔬菜、麵條、雞蛋等材料。相比之下，是較為複雜，不過跟著做其實難度亦不高。

先將麵糊煎成圓型的薄餅，再放材料如蔬菜及豚肉等在薄餅之上。

燒到咁上下，在旁邊開始炒麵及煎蛋。由於麵條本身已是熟，輕輕炒番熱及作調味已可。

煎好蛋，將薄餅搬到蛋上，然後反面。再自行配上適量的汁醬、海苔粉及鰹魚片就成事。吃起來層次當然比剛才的芝士四重奏更豐富，同埋有我喜歡的炒麵，更合個人口味。

老老竇竇，大概是我技術所限，好吃算不上，旨在見識過時下年輕人的玩意而已。

餐廳資料:

道頓堀御好燒專門店

荃灣大壩街4-30號荃灣廣場3樓321-323號舖

23326030