食物：$$$
環境：$$$1/2
服務：$$$1/2
我家附近那幢舊式工廈，銓通，竟成為我近期的蒲點。
無他的，皆因工廈內有啖好食。包括有裝飾與食物水準均不俗的The 5B Private Corner，亦有便宜早餐的FE Coffee，最近更俾我發現左，3樓原來又有間Café低調地經營，我要去會一會佢。
避開繁忙時間，十二點前到達，店內空無一客，獨望著空凳心難過，大概是我職業病又發作，待入了店主的角色。
店內只少許擺設裝飾，但最吸引本人的，正是自家種植蔬菜的溫室櫃，產量雖不多，已足夠店子自給自足。
由於有這溫室自家種植的菜蔬，沙律的顏色配搭雖單調，感覺卻好，至少咬落寧舍爽脆，簡單的配些少醋，已經不錯。
菜湯勝在溫度十足，怎麼食肉獸既我忽然Go Green？
還未算，主菜我也竟選擇了素，係大啡菇黑松露意大利粉，世界變了！驟眼看來，大啡菇與黑松露，跟意大利飯大概會更合適吧～Anyway，這兒的大啡菇已切絲，香氣來自松露醬及松露油而已，唯意粉仍保持一定咬口。
照舊要番杯Latte，需加十蚊，也是正常。濃得帶苦的咖啡味，雖未至我條命咁苦，卻不是平易近人的出品，即使面對住每天也要杯咖啡的我……
坐到一點鐘，也只得兩枱客，獨望著空凳願我能……
餐廳資料:
Galu
世界變了嗎？
回覆刪除一定係，除非唔係....
刪除變晒~
刪除