Si Simply Italian - 無須過於花巧

食物：$$$1/2

環境：$$$$

服務：$$$1/2

頗喜愛吃Brunch，大概是心態問題，我早已將Weekend Brunch與悠閒假期掛了鉤。

以往吃Weekend Brunch，多半是到尖沙咀、金鐘至銅鑼灣一帶，今云竟去荔枝角D2 Place二期，大家會覺得不可思議嗎？

猶記得數年前我在荔枝角返工既日子，當時該區仍是飲食沙漠，幾乎餐餐食茶記。如今一幢億利工廈，一個D2 Place，將這裡變成半個飲食天堂。

這次到訪的Si Simply Italian，我曾來過嚐午餐，大約是半年前，店子剛開業既事。

     

甫坐下，店員即送上麵包籃，跟上次一樣，麵包是熱暖，邊邊位脆口，自行配適量的油醋吧～

來杯今時今日很流行的冷壓果汁，打開胃口再算。

這個假日早午餐(二人前)，食完基本上唔再需要吃晚飯，因為內容是超級豐富，單單是前菜，已有十款(即二十碟)之多。雖然每款細細的，但每樣吃一口足以KO細食既我。

紅蝦他他配哈密瓜醬，一個字：「鮮」；煙三文魚蟹肉三文魚籽，蟹肉成份無欺場；巴馬火腿配巴馬臣芝士，從來是筆者中意的意式小食；水牛芝士配車厘茄及羅勒，乃傳統之意味風情；爽脆之露筍從來合我心，反而加入了蛋黃有些少劃蛇添足；煎日本帶子火侯來得剛好；焗千層意大利茄子和意大利腸配茄醬有共同弊病，就是茄汁，建議店方自家烹調茄醬更好；一少杯的餐湯乃周打魚湯，香濃足料。

誠然，吃罷十款前菜，已飽得七七八八，但主菜份量卻絕不少。意式餃子是自家包製，餡料是牛肝菌，來得很香，同時亦十分地道。混合黑松露忌廉汁增添香氣，反而，羊奶芝士的羶味沒預期中強。

此時，再來巨型的美國豚架，真心睇見都覺得飽。大件又厚身的豚架，肉質沒有乾巴巴，近骨的位置當然更為精彩。

四款甜品也極具水準，尤其是朱古力慕絲與泡芙，前者非常濃郁，後者質感軟熟可口，再飽都可以全數接收。

最後配上一杯Latte，呢份假日早午餐，簡單而美滿。

餐廳資料:

Si Simply Italian

荔枝角長順街15號D2 Place二期地下G03號舖

23709022