食物：$$$1/2
環境：$$$1/2
服務：$$$1/2
又再打邊邊，今個暑假打邊爐既次數，相信超過不少朋友全年的總和，我都覺得有點誇張。
深水埗既鍋居，並不是第一次來，始終我在該區長大，對呢度既美食總有些情意結，絕不介意翻兜優質食肆。
雖然係夏日炎炎，但香港人可能早已擁有一年四季吃火鍋既概念，加上是快樂星期五，店子非常暢旺。
混醬過後，兩款湯底亦要上場，分別是金湯蟹鍋，以及鱷魚瑪卡鍋，兩個湯底均相當足料，個人尤其喜歡前者，又蜆又加拿大蟹又南瓜咁，唔鮮甜先至出奇。
湯底未滾起，先食住花竹蝦刺身，新鮮爽甜的，輕醮點豉油與芥末已很可口，差點兒想追加一隻。
蝦頭與蝦尾不要浪費，椒鹽炸左佢先，脆卜卜的，惹味非常，正好配合我手中的法國黃酒。
雖沒點龍蝦和象拔蚌，但仍然有其他海鮮，包括蘇格蘭蟶子，以及貴妃蚌，兩者均無須淥太耐，保持爽脆卻不韌的口感，蠻不錯。
香港人打邊邊更加唔可以無左牛，經理推介鹿兒島A4和牛，不妨一試。和牛雪花分佈肯定靚，質感也較柔軟，當然肉味是沒有本地牛咁濃，兩者從來各有擁護者，但作為食肉獸既我，食佢半碟無難度。
都話我哋早已被寵壞，丸子若不是手打，根本不會瞄上一眼，這兒的牛丸、蝦丸和墨丸，全部足料好吃。餃子與雲吞，個人比較中意食韭菜餃，來得香口一點。
自家炸既嚮聆，輕輕拖一下已可以吃，軟腍中帶微脆的效果，就至正斗。
有美酒有牛肉湯底又正，教我如何不滿足！？
餐廳資料:
鍋居火鍋專門店
我又係打三個鍋！
回覆刪除你最中意邊個鍋?
刪除鱷魚肉！
刪除