食物：$$$
環境：$$$1/2
服務：$$$1/2
若問我如心系有幾多間酒店，我會數到荃灣、官塘、黃竹坑南灣如心，以及薈賢居……
真不知道，原來銅鑼灣也有一間，那家更加是全如心系歷史最悠久的。食友更話，佢既自助餐，超級抵食咁話。
有幾抵先？恆生卡有折，如你與痕身不妥無佢既卡，Openrice優惠劵都得，折實連加一，三百有找，有點匪夷所思。
酒店就在天后港鐵站對面，交通非常便利，點解一直留意唔到？
今期係避風塘菜式為主題，當中不乏炒辣蟹、辣酒煮翡翠螺等。在吃惹味的東西前，以凍海鮮與刺身作為熱身。
好了，胃口開了，首先瞄準避風塘炒蟹，分不了蟹蓋，蟹鉗亦無壊，感覺就是惹味。自助餐還有粥品供應，識食的，來一碗白粥，放入些炸蒜和蔥段，自會相當美味。
看見豉油皇蟹油炒麵，立即雙眼發光，花甲翡翠螺等要暫時讓路。麵炒得軟熟，蟹油令炒麵活色生香，一記加入蔥蒜的白粥，一記炒麵，已教人滿足。
再吃惹味的豉椒大蜆，以及辣酒煮翡翠螺，我覺得有些似在吃消夜，只差了枝大啤。哈哈～
XO醬蒸扇貝，本來都唔係清淡嘢，但在眾多的避風塘食品之中，已是很健康的了，過扇貝又幾鮮嫩喎。
吃過以上幾款避風塘嘢，基本上已飽，不過仲有鹵水，同埋煎釀三寶，是我喜歡的東西。其中的釀青椒，勝在夠辣，好吃！
甜品等住我啦～提拉米蘇、香蕉蛋糕、煎堆等等，仲有自助餐較少見的豆腐花，以及各式生果。
同埋，每位客人均有一客炸雪糕，即叫即炸的，吃時小心燙口。冷熱交融的效果，從來是好。
雖然食物款式唔算勁多，但三百有找的自助餐，配合舒適既環境，去邊度搵呀？
餐廳資料:
Corner 18
個炒蟹睇落好似幾正咁喎！
回覆刪除隻蟹確係正喎~
刪除超神同步！
回覆刪除我開始兜得我地係夾埋 XXDDDD
刪除M3啦，haha
刪除