香河越南餐廳 - 仍健在

食物：$$$1/2

環境：$$$1/2

服務：$$$1/2

銅鑼灣的香河越南餐廳，算是有點歷史，早幾年曾聽聞被業主收鋪，要無奈結業，跟住又續多兩個月俾佢咁。之後，我再無關注此事，只知道今時今日，店子仍然健在，隨時比我更長命。

  

這類話結業又結唔去，死唔斷氣的店子，當然不會期望佢會花錢裝修，環境十年如一日，其實只要衛生，我又覺得無咩問題。

點好了餐，店員才會為你斟茶。吃越南菜，魚露及一些香料/ 配料，某程度是靈魂所在，不可或缺的，否則便失去了越南菜的神髓。

我選的生牛肉湯河，按習慣先喝啖湯，沒有Pho Bar的醇厚，但也合格的。河粉較幼身，而且頗滑，自行灑上青檸汁後，味道更好。

生牛肉要快食，否則被湯浸得太熟會變韌，還幸我仍趕得及最佳時候進食，肉質仍保持嫩滑，只是牛味始終薄弱。

河粉吃至七七八八，蒸粉卷又要上桌。粉卷的皮總算薄，內餡的豬肉、菇粒及木耳粒刴得幼細，很香，沾上魚露，蠻不錯的。一客四件，全可吞掉。

好似有啲唔妥，放棄飲越式咖啡或凍飲，喝茶便是。年紀大了，真係……

餐廳資料:
香河越南餐廳
銅鑼灣波斯富街89號
25762240