Casa 338 - 新接手

食物：$$$1/2

環境：$$$1/2

服務：$$$

很喜歡這建築物的外型 (當然裡面絕不實用)，所以當這裡初次開設餐廳之時，筆者已急不及待去惠顧。當時對那間餐廳的感覺麻麻，連文章也沒有寫下一篇作紀錄。近月，餐廳易了手 (還是只是易名?)，我也懶理它是賣什麼菜種，誓要捉波友去幫襯一次。

名字雖然轉了，但只是換了招牌，內裡的裝修基本沒變。今時今日裝修，動軏幾百萬，小本經營的店子，「輕裝上陣」也不是壞事。

     

可惜冇紅湯

按習慣，點兩份主菜些牙食。先來湯，原要紅，卻售罄，硬食南瓜湯，但南瓜香一般，蒜茸包亦有欠脆口。

 

有層次

筆者點的是咖喱牛筋腩飯，咖喱汁辣度恰好，結尾滲出微甜，不是死辣，有層次。碗內除了鬆化的牛腩，的確仲有不少牛筋，口感好，貨真價實，無取巧，我無揀錯。

 

薄批

老友想食Pizza，我當然無所謂，呢度既薄餅只兩款選擇，商議後，要了Pepperoni。薄身的餅底，邊位脆，芝士與辣肉腸既組合，好穩陣。

 

醒神

喝一杯回魂咖啡，精神奕奕打波去。

呢間嘢，個人認為比上手要好，希望佢做得住。

餐廳資料:
Casa338
長沙灣東京街50號地舖
2338 2682