八寶煮意 - 八寶返來喇~~

食物：$$$$

環境：$$$$

服務：$$$1/2

還記得筆者去年介紹過的八寶清湯腩嗎? 我曾說過我願意一次又一次花百多元去吃的牛三寶架呢！

估唔到我讚完無幾耐，佢就… 佢就… 光榮結業~~

到底佢係被大幅加租，抑或被我倒佢米，定什麼原因結束，我不得而知。只見Fb有些朋友大嘆相逢恨晚，有些大罵地產霸權，云云。

幸而，幾個月後，佢喺同區再次出現，易名八寶煮意。

起初不太肯定此八寶與彼八寶的關係，直至看見朋友傳來的照片，那碗牛寶，那些店員，便可確定了。

咁仲等咩? 拉埋老友去食啦！

     

新場

新店比起舊鋪大多了，似西餐廳格局，我懷疑，這是頂手鋪，只作最簡單最基本的修飾，便營業。

易了名字，的確所賣既產品，並不止於清湯腩，還有些日西式的烏冬、焗飯，甚至生蠔。

坦白說，在這類店子看見有Coffin Bay, Smoky Bay，實在有點不可意義。

 

正斗

都唔使點諗，就要個牛寶，即爽腩、坑腩及崩砂腩。依例先呷口湯，仍是帶有藥材的香，卻不會過火，保持水準。個人最喜歡爽腩，而崩砂亦做得鬆化，坑腩味濃郁。墊底的幾件蘿蔔，也夠腍身。

 

口感好

印象中，這裡的牛筋太也蠻有水準，就柯打碗牛丸河大家分享。用上同一的湯頭，自然好。牛丸的口感，也沒有走樣。

 

也有其他選擇

老友話想吃肥牛凍烏冬，雖深知不會是店家的強項，也即管點一客。冷烏冬是清爽，可惜肥牛很韌，我只嚐了一片便收手。

 

爽~

嚐到高水準的牛腩，喝杯冰凍檸樂，爽快！

餐廳資料:
八寶煮意
紅磡鶴園街2G號恆豐工業大廈第2期地下B2舖
2889 8366