正斗粥麵專家 (沙田店) - 梗係唔伏啦!

食物：$$$1/2

環境：$$$1/2

服務：$$$1/2

呢幾日，人人都在談論雲吞麵舖，若不參與其中，彷彿與世隔絕咁。好在，我之前也寫了長沙灣的坤記竹昇麵，哈哈~

要講雲吞麵舖，如果唔提正斗，似乎有點那過。對嗎?

我想話，其實雲吞麵店，也不單單是獨沽一味賣細蓉，及大蓉。如正斗，是會有點心供應的。

   

今次主攻點心

是日，筆者毒自去了正斗，瞄準的，是她的幾款點心。

 

還好

每次吃，也是蝦餃，雖總不會令人失望，但亦想轉轉口味，今趟試燒賣。一籠四隻，粒粒飽滿，有蝦之外，豬肉成份也不少，吃起來更對口味。

 

退而求其次

上酒家飲茶，很愛食雞扎，可惜這裡沒有，選了棉花雞取而代之。每件雞件都連骨的，仲好；炸肚雖不是咩名貴美食，我卻又幾中意的。

 

要有甜

即使只是毒食，必須來一款甜的，放棄了芝麻糊，挑來千層糕。看得出的多層，且煙是紛紛冒出，相信不差。此品當然要趁熱食，質地軟熟，味道香甜，有水準。

 

下次飲番可樂

喝咖啡，還是應該去茶記。下次，要飲番柚子蜜，或者枝裝可樂。

好旺架

沙田新城市，始終是人流超旺的地方，未到食晏繁忙時間，好多食肆己坐滿，呢度當然唔例外。

餐廳資料:
正斗粥麵專家
沙田沙田正街18號新城市廣場1期1樓119號舖
2617 3383