福村日本料理 - 嘆一個下午

食物：$$$1/2

環境：$$$1/2

服務：$$$$

週五的晚上，回到家，老豆話: 「聽日我哋又可以去食好嘢啦！」皆因，老媽子又有約，飛甩左佢。

「OK丫！」我話。然後把原本的下午茶約會，推遲一天，同老豆去撐檯腳。

今次吃什麼好呢? 中西日韓星馬泰.. 老豆說想吃日本嘢。有考慮過去半島酒店的Imasa找Jack少，又有想過香格里拉的灘萬。最終，卻是選來了福村。

準備開餐啦

安頓好後，翻開餐牌睇睇有什麼想吃。筆者好簡單，一心鎖定了燒汁牛舌定食。而老豆嘛，則建議來個三色丼，大家分享。

 

打開胃口

點餐後，奉上的是沙律，各款沙律菜、粟米粒，以及車厘茄，新鮮爽脆，靈魂當然在於那醒胃的日式芝麻醬汁，在炎炎夏日以此作開端，胃口也得以打開。

 

好豐富

大家的定食也要送上來了。講我份先，除了倘大的牛舌飯外，亦有餃子、味噌湯、烏冬，同埋茶碗蒸。相當之豐富，以我既食力，難以將之KO，應該要老豆出口相助。

 

名物

呢個牛舌飯，六片牛舌蓋著圓潤的日本米之上，旁邊以紅椒及露筍作點綴，賣相已經羸晒。牛舌的質感鬆化，夠入味，連同米飯吃，果真不錯。

 

滑

另外，茶碗蒸溫度足，口感滑溜，加埋一小碗的味噌湯，口感煙韌的烏冬，以及味道不俗的餃子，認真飽到上心口。

 

三色

老豆的三色丼，挑了魚生飯、天婦羅飯和咖喱飯，同樣是跟上味噌湯與餃子，豐富程度，似乎比我的更強。

 

鮮味

由魚生飯開始，我只偷試了一件吞拿魚，頗為鮮味。據說其他的各款，也屬新鮮。

 

色水深左少少

天婦羅飯，就蝦、南瓜及茄子天婦羅。色水似乎是深了一點。還幸，我試的一件南瓜天婦羅，也是脆口而甜美。

 

有層次

據老豆所評，三款丼之中，最好的，正是咖喱丼。我也毫不客氣吃了少許。甜中滲出點辣味，開胃之餘，頗有層次，的確不錯。

 

嘆~

以一杯有水準的熱咖啡作結，再繼續下午的活動。

我覺得呢餐都合格既，不過，最緊要都係老豆滿意。

餐廳資料:

福村日本料理

尖沙咀廣東道33號中港城平台(TOWER 3) 02-03舖

2320 6822