Nobu - 這麼忙碌為什麼?

食物：$$$1/2

環境：$$$$

服務：$$$$

做嘢做到一頭煙之際，電話響起，是濶太傳來的Whatsapp，約食飯。

唔理三七廿一，應承左先，因為濶太有興趣的餐廳，肯定係好嘢。

佢俾我既選擇，分別係洲際酒店的Spoon，以及Nobu。兩者都咁吸引，點揀呀阿姐? 個決定權都係俾番咁，最後選來了後者。

 

六選三

自選便當幾吸引，冷盤和熱盤都是六選三，兩條友可以試勻晒。第一盒冷盤，內容是醒胃的火炙馬餃魚刺身，賣相味道俱佳的親子三文魚薯餅，同埋鮮美的帝王蟹卷沙律。

 

開胃冷盤

其次，是有醋味和辣味平衡頗好的油甘魚刺身，肥美的霜降金槍魚腩刺身。而什錦魚生飯，色彩繽紛，配以圓潤的米飯，同樣開胃。

 

合格

完成六款的冷盤，急不及待向熱盤進發。慢煮美國牛肉伴粟米餅，煙韌的Taco包裹著鬆化又有肉汁的牛肉粒，加上微辣的汁，蠻可口的。

 

咖喱味有點格格不入

再者，是海蝦天婦羅，炸得毫不油膩，墊底的吸油紙可作証明。咬落香脆，蝦肉爽口，但咖喱味道，始終不是太夾，或者是我接受能力太差了吧！

 

名物

鱈魚西京燒是這兒的名物，沒吃的話，如入寶山空手回。外微脆內裡肉質嫩滑，滲出微甜的味道，果然不錯，好滿意。

 

嫩滑

還有煎鱸魚，雖然魚肉仍是嫩滑，醮上鴨肝照燒汁，唔失禮。不過珠玉在前，始終就是給被下去。

 

好多蟹肉

另外，焗帝王蟹伴辣味奶油醬，蟹肉成份頗多，焗得香口，卻沒有太漏的感覺，送飯很好。

 

蛋比烏冬吸引

最後一項，是野菜烏冬，烏冬口感是幾好，但面頭搖搖欲墜的溫泉蛋，絕對比烏冬更加吸引。

日日營營役役，有時真不知道為的是什麼……

Anyway, 多謝濶太請客！

餐廳資料:

Nobu

尖沙咀梳士巴利道18號香港洲際酒店2樓

2313 2323