Imasa - 又是蟹，但不是大閘蟹

食物：$$$$

環境：$$$$

服務：$$$$

公關朋友問：「今年食過蟹未呀?」

當然了，六月黃、大閘蟹等等，都食過好幾次了。我說。

咁仲有冇興趣去Imasa試試新推出既蟹套餐呢? 公關朋友再問。

梗係無問題啦！於是約好時間，捉埋Herbert & Yan一起，再次來到半島酒店的日本餐廳Imasa，享用豐富盛宴。

坐貴賓房

同樣地，我們被安排坐在貴賓房裡，大家可以傾得更大聲，食得更盡興。筆者早了點來，這經理Jack少談了一會香港飲食業的狀況，看來他既專業，也是為食之士，有機會可以問佢多一些資料，豐富下知識。

開端

人齊，便可以開餐。首先送來一隻長碟，內容有蟹肉春卷、小青椒，以及蟹肉班戟。班戟皮軟熟足料，連同面頭鮮味極高的海膽同吃，精彩。春卷肯定是香脆，啖啖蟹肉，滋味無窮。中間的小青椒，從來是我的心頭好，正好作中和之用。

鮮甜剥皮魚

接著來是吸物，店家為我們安排了蟹肉清羹，湯底無疑是清甜，混入絲絲蟹肉，另外還有一大件嫩滑可口的剥皮魚，整碗湯鮮甜無比，喝得很舒服。

新鮮

服務生再奉上一個精美的玻璃器皿，裡頭正是池魚、拖羅以及赤貝刺身。由白身魚開始，這池魚鮮得來，油份又高，是我最喜歡的。拖羅以醬油漬，味道濃郁。最後的赤貝，爽脆好吃。

美酒配蟹

剛才所吃的，只是熱身，主角的蟹快要出場。當然，要有靚清酒來伴之。是晚我們喝的，是純米吟嚷「阿櫻」，質感細滑，愈放得久酒味愈醇，卻不會太嗆，是蟹的好拍擋。

精緻又美味

鱈場蟹蓋味噌蒸蛋，香滑的蒸蛋，配合鮮味的蟹羔，一羹一羹的放入口，滿足到極點。蟹腳用來做天婦羅，粉漿不厚，香脆不油，啖啖蟹肉，美味。

太滿足

還有原隻的毛蟹，店方好細心，已為大家剪開，再砌番靚個蟹型。吃時也真的方便。毛蟹肉多，味道很鮮，即使就咁食，都好得。而沾上醬油，又是另一番滋味。當然，甘香蟹羔是絕不能浪費，否則真會折墮。

薑味雪糕配蟹餐

大概是加入了中式的想法，吃蟹之後，甜品會是薑味雪糕。只能說，半島的雪糕，從來都有保証。

香濃

最後，以一杯香濃的咖啡，來消下滯。

這道豐盛的蟹宴，供應期到12月18日，只在逢星期一至四有得食，同埋，蟹是新鮮飛機貨，記得要兩日前預訂呀！

餐廳資料:

Imasa

尖沙咀彌敦道19-21號半島酒店1樓

2696 6715