Tonkichi - 吉列之夜

食物：$$$1/2

環境：$$$1/2

服務：$$$1/2

難得同老豆兩個人撐檯腳，就捉佢走遠一點，不要每次都待在荃灣。去到V City，逛了一會，本打算在利小館開餐，可是六點幾鐘已經人頭湧湧，日本餐廳銀次同樣是插針不入，整個商場的食肆都好似唔使錢咁，唯有轉到屯門市廣場那一帶搵食。

 

準備

原來，市廣場的選擇都不太吸引，揀無可揀下，最終走進了丼吉日本吉列專門店。睇店子的格局，果然就是Pokka Group旗下的食肆。老老實實，本人覺得Pokka眾多品牌之中，吉豬是最穩陣的。

 

老爸必然之選

唔使審，老豆一定是吃吉豬的了，而我就來客吉列蠔吧，大家可以Share食。一如所料，吉列豬扒的水準是可以的，至少是色澤金黃，外脆而肉質鬆化，沾上帶甜的醬汁，幾開胃，幾好下飯。

 

反而不錯

至於我所選的吉列蠔，咬落香脆，蠔肉尚算合格，甜美而有汁，沒有腥味。這個炸蠔，跟沙律醬會比較合拍。旁邊的椰菜絲，淋上蘋果醋後也好吃，更正好中和吉列的油膩感覺，宜多吃。

 

米飯沒預期中好

原本，吉列的食物跟日本的白飯是匹配，可惜是晚吃到的米飯，並沒有預期中的圓潤軟熟，是要挑剔的地方。

 

消暑

原來，餐廳還有飯後果，是清甜的西瓜，消暑良品。

 

特價飲品

是日的西瓜汁在做特價，優惠價十蚊杯，馬上來兩杯。鮮榨的消暑飲品，在吃了那麼多的熱氣嘢既時候，來得正合時宜。

餐廳資料:

Tonkichi

屯門屯隆街3號屯門市廣場1期1樓1101-1102號舖

2887 0039