新仙清湯腩 (灣仔店) - 開分店喇!

食物：$$$1/2

環境：$$$1/2

服務：$$$

新仙清湯腩，在我心目中是一間很有水準的店，我想說的是砵蘭街的那家店，排名至少會在大利前面。某天經過灣仔，得知其在集成開了分店，於是有兩次在附近開完會，獨自前來偷歡。

企理

新店子，光猛企理，東西齊齊整整，環境當然比砵蘭街店好得多。隨便找個卡位坐底，柯打好嘢食，繼續塞著耳仔自得其樂。

 

牛脷是重點

還記得第一次只吃了牛脷牛肉公仔麵，都幾鬼反傳統。個人喜歡吃爽口一點的麵條，呢度既版本適合我。牛肉只是滑牛，所以重點便落在牛脷之上。幸而，牛脷的質感仍是爽脆又彈牙，挽回了一些分數。

 

我要肥D

清甜

再來就是吃清湯腩河了。可選肥啲、半肥瘦或瘦啲，我條件反射地說要肥的。阿姐話好肥架喎！唉，唔緊要喇，俾我放縱下喇，唔該。牛腩果然是幾肥，而肥的部份自然甘香，瘦的位置也不韌，是好東西。蘿蔔亦做得好，清甜、腍身又無渣，我喜歡。

 

好像沒以前好吃

好記得總店的奶油豬係十萬個好食，基本上可以為佢而來，因此又來一份。可惜，這次卻有點令人失望，雖然煉奶成份唔少，加起牛油香甜美，但最大問題係唔夠脆，沒有以前的好。

 

唔好阻住地球轉

想不到呢度生意都幾好，晚上人客漸多，我都唔好阻住地球轉，快趣飲埋杯檸茶便離開。

餐廳資料:

新仙清湯腩

灣仔軒尼軒道302-308號集成中心地下3號鋪

2891 2883