食物：$$$1/2
環境：$$$$
服務：$$$1/2
中午日日都係食個幾味，真覺得有點煩厭。是日要去尖沙咀辦點公事，順便約舊同學出來食餐晏，當聚舊也好，當咩都好啦，總之就食餐豐富的。La Villa正在做半自助午餐，最適合不過。
這裡的半自助餐，點主菜就可以享用外面的餐湯、沙律吧和甜品，價錢由$138至$198不等，這價錢在尖沙咀區，也可以接受。望一望個menu，其實最想食和牛漢堡，不過要成$198，加埋一要兩舊幾落樓，不太捨得。最後還是選了巴馬火腿配濶條麵。
點完主菜，走往沙律吧睇睇有咩好食。拿了幾片火腿、煙三文魚和小鵝肝配青瓜，總的說都算新鮮，但鵝肝不及甘香，配青瓜感覺也好像格格不入。
第二輪，取了巴馬火腿配哈密瓜，同埋類似煎蛋的東西。哈密瓜是鮮甜，可是巴馬火腿略嫌不夠乾身，咸香味也差了些少，但其實質素亦不算太低，可以接受有餘。另外那類似煎蛋的東西，感覺就是西式的菜圃蛋。
主菜上場，巴馬火腿同樣犯了以上毛病，因為是同一批貨，兩者質素一樣亦屬合理。至於濶條麵，幾彈牙的，同時師傅加上了奶油，吃起來質感更為滑溜，即使是伴碟的車厘茄也是甜美，毫不馬虎。
食完濶條麵，終於可以取甜品了！芝士蛋糕、朱古力蛋糕、桃蛋糕和果凍各取了一份。感覺上，芝士蛋糕和桃蛋糕味道都是太過淡口；朱古力蛋糕則十分濃郁；果凍裡頭有點鮮果肉，幾fresh。
喝一杯濃淡適中的檸茶，也挺舒服的。
感謝Yan借出部份相片~
餐廳資料:
La Villa
尖沙咀麼地道66號尖沙咀中心地下G28號舖
2724 0707
沒有留言:
張貼留言