Nail Cafe - 別緻樓上店

食物：$$$1/2

環境：$$$1/2

服務：$$$1/2

Nail Café，是荃灣的一間樓上Café，店子一邊有美甲服務，另一邊則是做飲食，店名已經寫得很清楚。

沒有訂座，就咁「中」上去，室內位置已滿，店員問介唔介意坐露天位，照殺！是晚清風送爽，但又不會太凍，坐外面更為舒服。當然，首要條件是要不怕吸二手煙。

套餐只有三款，全部都是意粉，就要齊佢大家分享，另再加一客焗薯皮，飲品稍後再叫。

打頭陣的是雜菌露筍意大利粉伴香草忌廉汁，意粉質感不錯，咬落彈牙，估不到樓上café的水準都不差呢。頗喜歡香草的香味，青黃椒爽口，雜菇軟滑，總的是美味。

再者是蜜汁豬頸肉意大利粉，上檯時已有撲鼻的蜜味香，吃落除了有甜甜的蜜味外，仍帶微辣，是三款之中最惹味的。豬頸肉質地軟滑，沒半點韌，若味道可以重一點就好。

最後的意粉是鮮露筍意大利粉伴香草忌廉汁，感覺跟第一味的差不多，意粉同是彈牙。幼嫩的露筍清甜無渣，帶子細細隻，不過幾爽，味鮮，也好吃。

另加的小食是煙肉焗薯皮，睇就好得，薯皮焗至鬆脆，唯香味稍嫌不足，芝士不算濃郁，煙肉同樣，可以再煎香口一點。

飲品要杯凍榛子朱古力，味道是意想不到的香濃，夠冰凍，上面的忌廉幼滑。到樓上Café，飲這類飲品永遠唔會錯。

餐廳資料:

Nail Cafe

荃灣眾安街53號2樓

6064 6444