食物：$$$1/2
環境：$$$$
服務：$$$1/2
自從上次來過睇波，覺得其食物水準不弱，又唔會有太多的香港人，合晒我心水，以後睇波都會首先考慮這裡。
環境就是英式酒吧的格局，跟我在英國讀書時去Happy Hour的地方沒兩樣，仲有飛鏢靶，有興趣的話可以大展身手。
來個全日早餐，都是那些煎蛋、腸仔、煙肉、焗豆、薯餅、蕃茄和多士等食物，逐一解說吧！煎蛋的蛋黃是摇摇欲墜，蛋邊煎得香脆，實在驚喜；煙肉幾乾身，香口，又不會太咸，也不錯；腸仔和薯餅兩款同樣香口，是可以的；焗豆是熱的，幾好，最怕有些地方凍冰冰都夠膽拿出來；不喜歡吃新鮮蕃茄，但煮熱了又可以喎，大概係沒有了酸味；多士則可以再脆口一些。總的說，已是我滿意的出品。
豬肉腸薯茸焗豆，腸是相對粗身，咬落皮脆，肉味頗濃，又幾香口；薯茸份量大得像山墳，薯仔味道不算重，但質地軟滑，混入蔥花，增強了味道又層次感；焗豆之前講過，起碼會加番熱，不是凍冰冰的上桌。
試了一點老友的牛肉批，酥皮下架有粒粒牛肉，以及濃郁的醬汁。酥皮是鬆脆帶酥香，牛肉則肉質幾鬆軟，肉味頗重，也好吃。
從沒飲過德國品牌的啤酒，見Drink List有ErdingerWheat Beeer，就揀了。一口喝下，是冰凍的，味道跟平時飲開的品牌有點不一樣，如其名，麥味幾重。喜不喜歡，見仁見智。
價錢相宜，埋單每人平均百幾蚊。加之，呢度大部份客人都是外國人，即使榜首大戰亦沒見到幾個香港人，我挺喜歡。
餐廳資料:
PJ Murphy's Pub & Restaurant
尖沙咀彌敦道32號帝國酒店地庫
2782 3383
沒有留言:
張貼留言