每次同朋友吃下午茶，多半都是英式三層架，雖然質素大都唔錯，但偶爾也會想試試新意思。
講起新嘢，必要提及市京酒店，佢哋不論係午/晚市套餐，抑或係下午茶，不時都會有令人驚喜的新點子。
今期，就玩隨到「尋味大笪地下午茶」。
顧名思義，這主題就是以港式美食為主打，將老味道融入下午茶之中。四咸四甜的精緻美點，看似熟悉，味道卻又有點估你唔到，這正是帝京酒店一貫的吸引之處。
由咸食說起，甜酸豚肉大概就是大家所認知的咕嚕肉，師傅將之做成一口Size，以脆口的窩巴盛載，瞬間變成更適合下午茶份量的精緻美點。以中菜師傅的功底，做出來的甜酸豚肉，質素根本不庸置疑。一大粒炸至金黃的脆波波，實際是蟹丸。鱈場蟹腳肉、洋葱碎及薯蓉等搓成的蟹丸，岩晒喜歡香口嘢既我，沾上微微香辣的沙律醬，帶出昔日避風塘的風情。另一款的百花釀八爪魚仔配香滷汁，將潮式打冷的感覺帶進下午茶之中，實在非常創新的諗法，特別喜歡口感彈牙的八爪魚仔，因內裡是釀入了蝦膠，更具層次。大家見慣見熟的鵪鶉蛋燒賣，師傅將之換成免治牛肉作基底，再拌入松露醬、芥末、洋葱碎等，同樣是令人眼前一亮的創作。甜點方面，最吸睛的要說像迷你版本的菠蘿油，這其實是帶有菠蘿包外皮的鳳梨酥，而中芯的那片「牛油」，則以熱情果蓉、Finesse輕脂忌廉、雲呢拿等炮製而成，正好平衝鳳梨酥的酸甜味道。賣相有幾分像炸両的，係芒果泡芙椰子卷，淋上紅桑子汁「甜醬」，更多出一份果香。仲有一款，我一直以為是迷你版本的缽仔糕，原來卻是焦糖紅豆慕絲蛋糕，那焦糖香氣蠻突出，有趣！最後的雞蛋仔，可以配不同口味的雪糕，而且口味都幾獨特，如薑汁撞奶，黑芝麻及楓糖馬仔等，與經典的港式雞蛋仔，意外地匹配。做得呢個主題，飲品自然也要做到一絲不苟，經典的雪糕紅豆冰，檸樂煲薑，令這下午茶錦上添花。如果想舒舒服服係酒店嘆下午茶，又想試到不一樣的風味，那個主題都幾適合。
餐廳資料:
獅房菜
旺角太子道西193號帝京酒店3樓
26226088
沒有留言:
張貼留言