說過無數次，一班人飯聚，最適宜食自助餐，可免卻不必要的煩惱。
但每當說去食Buffet，總會有人問：有無生蠔食架?
是的，現在已愈來愈少地方有供應生蠔，所以在選擇酒店時，也需要做點功課。
尖沙咀朗廷酒店的The Food Gallery，逢星期四及五，都會有即開生蠔。是日本產地，新鮮爽甜，要拿幾轉。除了即開生蠔，當然亦不會缺少其他的凍海鮮，如熟蝦、翡翠螺、青口及蟹腳等，而最吸引我的，正是爆羔的麵包蟹。有時會想吃些沙律健康下，各式菜蔬均很新鮮，論及最精彩的，我會說是和牛薄片沙律，畢竟我是徹頭徹尾的食肉獸嘛。來過好幾遍，這裡的熱食總是高質。龍蝦尾肉質爽彈，配以黑椒作調味，惹味好吃。酥皮焗海鮮帶子是比較罕見的項目，至少我在別處的自助餐桌沒有遇過，但其實聽到呢個組合，都知道會是邪惡又吸引。另一款特別的美食，要說西班牙紅蝦配墨魚多士，鬆脆彈牙，又不會很油膩，高分！韓式的辣醬腩肉，層層分明，非常惹味。再者有唔少牛肉既選擇，如黑松露野菌和牛柳、俄國牛柳絲、傳統燴和牛肉等，牛魔至肯定開心到頂點。烤肉站內，自然會見到令人口水流的燒肉眼，這裡甚至是採用和牛的。當大家聽到叮叮聲響，就是另一牛肉的表演項目，威靈頓牛柳。很難得自助餐的威靈頓牛，火候可以拿捏得如斯精準，完全沒有過火。看企檔的師傅站在兩大籠美食前面，急不及待睇下到底是什麼葫蘆賣什麼藥。原來係相當惹味的蒜茸粉絲蒸生蠔，肯定大受歡迎。要讚呢度既燒味都唔錯，燒腩仔皮脆肉嫩，但更出色的是燒鴨，一件唔夠喉。細食的我，平時好大機會會略過自助餐的粉麵檔，但呢度唔同，不論是鮑汁花膠撈粗麵，抑或係蟹肉湯撈麵，都相當吸引，真的兩款都要試。熱食之外，甜品也絕對是這兒的強項，首推即焗的千層酥皮撻，要把握時間，待新鮮出爐時即刻拎。漲卜卜的餡超誘人，酥皮也是酥脆有層次，吃時要小心燙口。即場製作的梳乎厘，伴以大大堆的香滑的榴槤茸，作為榴槤控的筆者，是無辦法可以抗拒的。今期更有Kit Kat甜點，大家只要在Kit Kat的禮物盒前打卡放上IG，更可獲得食物夾，真正又食又拎。再來幾款蛋糕後，見食友拿來多款不同口味的雪糕，我都忍唔到口痴少少來吃。很高質的自助餐，只恨自己胃納太少。
餐廳資料:
The Food Gallery
尖沙咀北京道8號香港朗廷酒店大堂
21327898
沒有留言:
張貼留言