食物：$$$$
環境：$$$$
服務：$$$$
復活假期跟朋友食飯相聚，大家都是中菜胃，所以都是考慮吃中餐為先。
心目中的Wish List，其中一間是聚星居，原來各位都有興趣。
能成為我既to-eat-list，自然有其賣點。既有無敵海景，又有KTV廳房，每逢週三及六更有Live Band，重點係開到凌晨兩點，同埋免開瓶費，任你飲飽食醉。總之呢度，係筆者的朋友圈裡頭，口碑十分好。
見餐牌有個「聚」嘗味套餐，內容幾豐富咁，菜式揉合淮揚 x 粵菜的手藝，非常吸引，那就不作他選。打頭陣的淮揚三秀，分別有雕王醉鄉、蝦撈汁雙弄，以及蔥油翡翠結。將窩筍弄成如此精緻，可見師傅的堅持。花甲、花螺及羅氏蝦新鮮，蝦頭多羔，汁醬做得出色，收畫龍點睛之效。接著來的湯品，是順德脆魚粒拆魚羹。這款經典的順德湯羹，魚肉、雲耳絲及勝瓜絲等材料豐富不在話下，跟平常在坊間嚐到的味道又稍有不同，感覺是多了點點奶香，反正我是頗喜歡的。主菜有三款選擇，我就要了最基本的燒椒醬日本元貝伴鍋巴，日本元貝厚身得誇張，火侯控制恰到好處，頂頭的燒椒醬不是死辣，幾惹味幾有層次。墊底的鍋巴當然不是現成貨，自家炸是理所當然，重點是加入了咸蛋黃，吸引力大大提升。老菜脯蒸馬友也十分有水準，油脂豐腴、肉質細嫩、鮮味濃郁，結合陳香的老菜脯，欣賞！周圍都有叉燒食，要突圍而出，用料靚之餘，更需花點心思。這裡除左採用黑毛豬叉燒之外，亦嶄新地加入了陳皮，咸咸甜甜，層次更豐富。呢個套餐真係好豐盛，每人仲有半隻香茅乳鴿。是預期中的皮脆肉嫩，香茅的氣息亦很突出，戴上手套，拿起大啖齒下去，相當滿足。菜蔬的選擇也沒有馬虎，黃耳雞頭米浸時蔬，顏色賣相配搭精緻，可見師傅的一絲不苟。和牛崧脆米炒飯，打開煲蓋香氣陣陣，由於加入了脆米，吃起來更有層次，估唔到吃到最後仍有驚喜。甜品是桃膠燉鮮奶，桃膠份量來得慷慨，女士們肯定中意。餐廳資料:
聚星居
銅鑼灣登龍街18號V Point 28樓
21150728
沒有留言:
張貼留言