食物：$$$1/2
環境：$$$1/2
服務：$$$$
香港有一個社企飲食集團，提倡長者就業，使其重拾自信及肯定自我。相信大家都知道，這就是銀杏館。
這社企有好幾家分店，經營不同類型的餐廳，如冰室、麵包店、日本餐廳及私房菜等，都幾有心做的。
油麻地的銀杏館，有早茶飲，中午則是半自助形式，最近吃過兩次都算滿意。
點好主食之後，便出去自助餐桌上看看。開胃的沙律菜、車厘茄，及薯仔沙律，涼拌木耳，到每天不同的湯水，還有白飯、三色飯及白粥，甚至花生及番薯，仲有天天轉款的糖水，都算係咁。半自餐助價錢由三十八至一百多不等，持長者卡仲有折扣，我覺得好划算。紅酒燴牛尾，味道不輸坊間的西餐廳，好幾件牛尾鬆化入味，伴飯最好，老媽子吃得津津有味。$68 (未計長者卡折扣)的梅子鴨，竟然是半隻，太超值了吧。很開胃的，但個別位置有少許韌，長者吃可能要留意。
這兩次嚐過最便宜的一款，係老豆至愛的南乳花生豬手，$48 (未計長者卡折扣)。皮豐厚滿有膠質感，汁醬撈飯一流。呢個價錢食半自助餐，去邊度搵?還有涼瓜炒牛肉，以及香茅豬扒。涼瓜老人家自會識欣賞，牛肉亦不會韌，蠻好的家常菜式。豬扒則睇位置，中心的好夠腍，但邊邊位略韌，長者可能要小心，但味道其實不錯。出去整番碗糖水潤一潤，兩次分別係腐竹糖水及紅豆沙，中規中矩。但餐後吃番碗，是圓滿的。飲品都是任飲，同老豆都襟杯即磨咖啡慢慢嘆，老媽子則要杯薏米水，各適其式。午餐持長者卡85折，十二點十五分前埋單更可享75折，假日同價。晚上更有長者樂隊演出，下次再帶兩老來試試。
餐廳資料:
銀杏館
油麻地彌敦道385號平安大樓1樓20號舖
27893321
沒有留言:
張貼留言