馬灣行大運

食物：$$$$
環境：$$$1/2
服務：$$$$

初三赤口，不宜拜年。

宜做什麼? 行大運吧～

既然是馬年，那就入馬灣遊一轉，睇睇鬱金香，在新景點馬灣1868打下卡，已經相當不錯。

我家出發亦非常方便，在荃灣西碼頭跳上船，十分鐘可抵達。

在1868行左一圈後，便找地方醫肚。園區及沙灘旁的餐廳都遇人滿之患，所以決定走到村屋那邊的食肆找吃。然而，我哋棋差一著，原來村屋的大部份餐廳仍在休假，幸好搵到這家，開心˙開飯，大概也是唯一的選擇。

過年的價單比平日稍為貴幾蚊雞，同埋要加一，但在沒選擇的情況下，也得要接受。不過佢都算係咁，因為主食之外，還會跟些小吃，感覺蠻豐富的。

台式鹵肉飯，伴的是沙葛、小份香腸拼鹽酥雞，以及半熟蛋。前者爽口，帶微辣，挺開胃。鹽酥雞做到酥脆不硬。半熟蛋讓我片刻以為自己身處馬來西亞。

據聞個鹵肉飯幾香，豬肉不硬，幾好下飯，同埋佢份量都唔少。

我挑的三杯雞球飯，雞肉好嫩滑，夠晒入味，總算滿意。幸運在沒得揀的情況下，仍可吃到好東西。

台式奶茶是完全沒有甜味，可能佢預你加錢去加黑糖珍珠，有埋黑糖珍珠個甜度就應該剛好。

午餐後再回園區消費，那時美食車才剛營業，可惜實在太飽，沒有幫襯了。下次吧！

最後，買左件衫，與及一些「手信」，便完成了半天的馬灣行大運。

餐廳資料:
開心˙開飯
馬灣大街村北349號地舖