Yau Veggie Diner - 美式主題素食店

食物：$$$1/2
環境：$$$$
服務：$$$1/2

荃灣南豐紗廠，有間似足美式快餐的店子，我經常被其裝潢吸引，然而因為是吃素的，所以食肉獸既筆者遅遅未有光顧。

這天中午，獨自找地方吃午餐，想來得清淡點 (因晚上有Tasting)，便想起這裡。

除左黑白地磚，紅色主調加霓虹燈的氛圍外，擺放在店子最入處的那部懷舊Jukebox點唱機也是焦點在所。

只有一個店員，樓面收銀及廚房工作一腳踢，所以要俾少少耐性等待。不過，落左柯打，聽下歌，都無乜問題喇~

沒有點漢堡，反而來了份肉丸意粉套餐。意粉沒過腍，配上番茄汁，再加上四粒巨型素肉丸，都係好穩陣既選擇。份量唔細的，素食都可以好飽肚。

跟餐可配咖啡或茶，如果想飲店家的招牌純素奶昔，補差價就可以。

坐左大半粒鐘，依然是包場狀態，獨自聽下勁歌放鬆下，我覺得好寫意。

下次試試佢既漢堡～

餐廳資料:
Yau Veggie Diner
荃灣白田壩街45號南豐紗廠1樓102號舖
98811091