食物：$$$$
環境：$$$$
服務：$$$$
有啲嘢，我係幾傳統，譬如話過時過節，總柅同大家食餐飯做節。
約齊人食晚飯比較困難，那就找個週末，跟各位入西貢食海鮮午餐。都無所謂喇，志在聚一聚而已。
在西貢食海鮮，我嚟嚟去去兩個選擇，勝記是其中之一。
今年佢係門口位置做左個頗大型既月亮及兔兔的裝置，打卡一流！
搞手早已寫好菜單，大家餸來張口即可。先來的墨魚餅，色澤金黃，質感依舊足料彈牙，好睇又好食。嚟呢度飲魚湯，肯定錯不了。簡簡單單以番茄薯仔木瓜來煲，已鮮甜到不得了，真的不用太花巧。鮮蝦芥末香芒沙律，已份好一碟碟，賣相靚仔。各式生果如芒果及火龍果等已切粒，吃得更方便，頂頭的爽彈大蝦，錦上添花。接著端上柴桌的粟米斑塊，氣勢磅礡，真沒想像到是這個賣相。魚肉起左嚟炸香，配合經典的粟米汁，肯定香脆好吃。魚骨炸得透徹，絕不能放過。這大概是我嚐過最誇張的堅粟米斑塊。肉蟹以京蔥、紫洋蔥及青蔥去炒，更加香口有層次。新鮮巨型的出品自然啖啖肉，夠鮮甜，吃得過癮，三款蔥其實絕不是配角，入晒味，好正。椒盬蒜香雞翼山，大概是以西貢的五個主要山峰作靈感，賣相特別之餘，做到皮脆肉嫩有汁，而已相當惹味。花甲茶碗蒸都是按位上，花甲的精華滲進嫩滑的蒸蛋入，那有不好吃的可能。單尾的鮑魚瑤柱荷葉飯，店員在大家面莉將荷葉剪開，香氣四溢，米飯口感香軟，超多的鮑魚粒豐富口感，基本上是每口都可以嚐到鮑魚的，誇張！是日沒吃甜品，以香橙作結，真心佩服店員連橙都砌成兔仔外型，相當應節。好開心可以同大家過一個豐盛美滿的中秋。
沒有留言:
張貼留言