日山 - 開年的壽喜燒

食物：$$$$
環境：$$$$
服務：$$$$

以往年初二的開年飯，總會找間好啲既中餐，同兩老食得豐富一些。

今年轉轉新意思，去食日本菜又如何?

家母是和牛狂熱份子，那麼吃壽喜燒自然穩陣，東京米芝蓮星店日山，一向在我的To-eat-list之中。

尖沙咀店有無敵維港景，合和店就新開，各有可取之處，老媽子話新年試下新地方。

不像Sukiyaki Mori，這裡食物選擇很多，刺身、燒魚、鰻魚，甚至拉麵，應有盡有。但既然一心來吃壽喜燒，那就不作他選。

先來頭盤，梅子啫喱清爽多汁，枝豆從來是最穩陣既小食，什菇爽口，日本大根配蜆肉都做得醒胃。

茶碗蒸夠熱也滑溜，有唔少蟹肉、冬菇等，很足料，沒投訴。

壽喜燒的牛肉，都是A5級數的和牛，來自熊本縣。可選擇部位，我哋揀左肩胛和西冷，色澤紋理都好靚。

店員會在席前烹煮，先準備好豆腐、大蔥以及蛋汁，之後就開始炮製第一片的和牛肩胛。不消一會，便已完成。

壽喜燒汁不太甜，牛肉入口軟嫩，大啖咬幾口，不知不覺間已KO左大半碗白飯。

接著店員就準備西冷，配上芋絲、洋蔥、蜜豆及冬菇。西冷入口更軟滑，比起剛才的肩胛，更勝一籌。其他的配料，同埋麵豉湯，全部俾我清晒。

以粉紅菠蘿，同埋馬卡龍作結。看似唔太多嘢食既套餐，但畢竟A5和牛都幾漏，也是夠飽有餘的。

有想過叫杯咖啡配馬卡龍，但諗諗下，不如找個地方食件Cake，再飲咖啡，仲好！

餐廳資料:
日山
灣仔堅尼地道15號合和酒店4樓416號舖