食物：$$$$
環境：$$$$
服務：$$$1/2
已成為楓葉國人的Yan，難得回港渡歲，一於約埋齊齊嘆下午茶傾餐飽。
主角建議去尖沙咀的花圖品嚐中式下午茶，係Klook或者KK Day訂有優惠。
下午茶Set有跟飲品，人未齊，大家先柯打自己喜歡的茗茶，飲住慢慢傾。我的選擇係荔枝烏龍，很香的荔枝味，但茶味稍遜。人齊，就可以起菜。二人的下午茶餐，由一個兩層，一個單層，與及木盤盛起，賣相蠻吸引的。
大大件金黃色的，並不是炸蝦球，而係帶子。驟眼看上去以為好油，原來是柚子醬。確實的珍寶Size，火候唔錯，配上帶甜的柚子醬，醒胃可口。春卷香脆，餐牌上寫著配的是薄荷醬，不過怎樣吃都不像，但甜甜的又滲出少許辣，唔難食的。兩層的那個鳥籠，底下係兩款咸點，燒賣飽滿企身，有蟹肉在上面，但重點是頂頭的那片黑蒜，神來之筆。粉紅色像蘿蔔絲酥餅的那件，咬落很鬆化，但內裡實情是雞粒。上層的兩款係甜吃，外型像車厘茄的，很多汁，係荔枝汁串茄。另一款則是香橙菲林卷，當然比傳統的黑芝麻味來得清新，節日更得體，但我還是傳統菲林筒的粉絲。木盤盛著的，蝦餃做成金黃外皮，過時過年夠意頭，味道亦屬正常，蠻充足的蝦肉。玻璃器皿，賣相吸引的，係茉莉花味的奶凍，又幾有驚喜，面頭的紅豆珠，口感略帶煙韌，跟茶香既奶凍幾合拍。不難想像，大家一坐低就雞椓唔斷，有著說不完的話題，坐到人哋落埸是常識吧！
沒有留言:
張貼留言