食物：$$$1/2
環境：$$$$
服務：$$$1/2
文章出街之時，PHI x Kuromi既主題已完結，不過都好想用文字紀錄下，因為小朋友吃得非常開心。
話說，聖誕同阿妹一家人去食晚餐，佢建議去九龍灣既PHI Coffee & Pancake，我食乜當然沒有所謂，只是不明為何會揀去咁隔涉的Mega Box。
去到Cafe，發現處處Kuromi蹤影，我才恍然大悟。
Kuromi套餐最為重要，大人要吃什麼意粉小食，都是其次。主題套餐除了有主食、飲品及甜點外，更有一大盒Kuromi的禮盒，裡頭大概就是咖啡、曲奇等，小朋友笑到見牙唔見眼。
跟餐先有飲品，玻璃杯盛著的紫薯咖啡，看到其層次，面頭亦有Kuromi的圖案，然而啡味是很重，絕對不適合小朋友飲用。主題套餐之主食，可以揀意大利飯或者全日早餐，一如所料，外甥女挑了意大利飯，單看照片又確是比較得意。紫色面型的Kuromi，說實做得未算細緻，眼睛咀巴都是紙的，不過對於小童而言，或者已經贏晒。意大利米飯就沒機會吃到，旁邊的豚肉卷倒了分到了一片，偏韌的。Kuromi梳乎厘之前，先轉一轉角度，睇番大人吃的小食及意粉。
Carbonara幾有咬口，香滑濃郁，比起另一款的番茄海鮮扁意粉更合我心意，但筆者可能未夠客觀，畢竟我本身就是卡邦尼殺手吧！
單骨雞翼，脆口又帶微辣的香口嘢，總唔會難食。梳乎厘空氣感算唔上特別強，但至少唔係死實實，配上藍莓醬，以及Kuromi造型的雪糕，都合格既，起碼小朋友好喜歡。幾乎枱枱都係小朋友，呢個主題，看來幾成功~
沒有留言:
張貼留言