食物：$$$$
環境：$$$$
服務：$$$$
許多人問我荃灣有咩好食，我都會笑說沒有。但其實，荃灣又點會無嘢好食丫，若要我推介既話，Ann Mamma Thai Kitchen by 張秀玲，會佔其中一席。
門面已充滿泰式風情的店子，位處在香車街街市對開，圍繞著的都是舊式公屋、士多辦館、毫無裝修的茶記等，總之感覺上就是與這個地方格格不入。
不過你唔好理，佢不論中午抑或晚上，門外總是人山人海，數年來如是。
好一陣子沒來，但長期的人龍明示俾我知水準是沒有下滑，這天我就帶老豆再來吃頓午餐。再次會一會呢度既海南雞飯，份量依然超多，海南雞皮爽肉嫩，一如以往只配上泰式辣汁和甜醬油兩款，不過真沒所謂，反正我吃海南雞從來也只沾黑漆漆的甜醬油，味道比市面大部份的食店會再甜一點，但我幾喜歡。黃黚黚的油飯夠香。另一款是我之前從沒嚐過的醉貓炒河，端上來時香噴噴，喜歡佢有魚露氣息又有點辣，配合大量的肉碎，很惹味。或者本身我就是喜歡吃東南亞的炒河粉，那管是地道的泰式醉貓炒河，還是馬拉的炒粿條，我都可以天天吃。午餐會跟飲品，凍飲姜至泰式奶茶都無需加錢，好少見。凍泰式奶茶味道正宗，份量十足，檸檬茶是配上青檸，都唔差。我覺得比叫熱飲划算好多。
雞皮呀😋😋😋
回覆刪除