Kopitiam by Saya - 泰寫意午餐

食物：$$$$
環境：$$$$
服務：$$$$

荃灣海之戀最近開了間泰菜館，某天經過，八卦係門口望一望。

 裝修得幾靚，另店員上前介紹，話係大角咀米芝蓮推介嗰間泰菜的分店，引起我興趣，結果翌日來了吃午餐。

比起大角咀店，呢度既優勝之處大概就是有附送海景，如果係黃昏五點幾六點來，個日落咸蛋黃係超靚。

點好兩份午餐，每人會奉送一杯凍既泰式花茶，味道幾似洛神花茶，勝在夠冰凍。

以為自己眼花，見餐牌有份雞卷意大利飯，泰菜館賣意大利飯咁創新? 到底係咩葫蘆賣咩藥?

說是很正宗的意大利飯當然唔係，但又幾香，口感帶煙韌，還加入了少少脆米豐富口感。雞卷質感實在卻唔怕粗嚡，微微的辣度，幾岩我口味。

豬頸肉撈檬感覺正路好多，特別想提一提佢既汁醬，不是純粹魚露，還加入了青檸、蘿蔔絲及辣椒碎等，誠意之作。

試左少少檬粉，爽身，溝埋自家制既魚露汁醬清新醒胃，豬頸肉亦做到彈牙口感，不錯吃。

加十八蚊可以有多杯黑啡，何樂之不為?

印象蠻好，搵日去食個晚餐先～

餐廳資料:
Kopitiam by Saya
荃灣大河道100號海之戀商場2樓2027-2028號舖
59960986