Fabrice 嚐味: 走兩場

2024年3月4日星期一

是夜在Airside，一口氣吃了兩間餐廳。

上半場，去了平台的Terrace in Seaside。猶記得數月前本想惠顧，卻被人龍嚇退。如今的Airside，成個場靜過太空，任何一間食肆都可以直行直入。

今趟，是我在香港首次坐榻榻米的體驗。很佩服日韓朋友，長時間席地而坐吃東西都若無其事，筆者真心覺得有點不自在。

因為早已打算有甜品下場，所以只在柯打了飯卷和千層麵，二人分享。

點的是菠菜雞肉千層麵，相比起傳統的牛肉餡，這出品明顯來得輕怡。然而麵皮煙韌，雞肉不粗嚡，調味恰宜，是比預期中好吃。

傳統飯卷就無乜特別，老實講，這東西好難有驚為天人之味道，只要夾起唔易散，有滿滿的餡料，我已收貨。

兩者食物都配上小量的沙律菜和一件橙，感覺好像會健康點吧！

吃得差不多，便轉戰樓下的泰式甜品 After u Dessert Cafe。相信大家都對呢個名字都唔會陌生，而我是首次在香港吃此品牌，希望佢同曼谷既出品唔會相差太遠啦~

刨冰始終是我們的目標，只是煩惱挑什麼而已。商議之下，都係還原基本步，要芒果糯米飯刨冰，細份量的，淺嚐就可以。

刨冰做得綿滑，加埋芒果醬更加香甜，椰奶的咸甜味道令成件事更有層次，當然裡頭還混入芒果肉及糯米飯，呢款甜品仍是好吃的，雖然我總覺得仍是及不上曼谷的出品。

叫刨冰，加十五個大洋就跟埋茶，何樂而不為?

都有唔同款式的茶作選擇，包括香港人常喝的英式早餐茶。然而，我就要左壺較少品嚐的白蘭花茶，幾清香的，我喜歡。

Flat White我沒有喝，至少都有拉花，聽說味道可以。

2024年3月4日 星期一