燒肉而今 - 食肉獸之午餐

食物：$$$1/2
環境：$$$$
服務：$$$$ 

朋友去完旅行耍樂，說有手信俾我，那就不如一齊食Lunch?

本身打算飲茶，不過臨時臨急，想去的那幾間都已經『明天請早』，把心一橫，改吃日本燒肉。

對方提議的燒肉而今，一直在我既To-eat-list之中。

每人選一款餐，加份牛舌，大家開心些牙，足夠有餘了。

套餐除了所選的肉類，仲包埋沙律、味噌湯、茶碗蒸及甜品等等，當然仲有白飯，好鬼豐富。

按店員建議，先燒牛舌。算是厚切吧，口感還好，不過我比較喜歡切成長條狀，同埋鹽燒會較合我口胃，可惜呢度沒選擇。

極上A5黑毛和牛套餐，四款不同部位，有脂香十足的，亦有質感實在的，個人偏好入口融化的貨色，自然對牛小排及羽下較有好感。

另一份的赤雞配豚肉，都比想像中好。豚肉好薄肉，輕輕燒一陣即可，因帶肥脂，入口更香。同樣地，雞肉肉質都來得不錯。

甜品是小小的厥餅，質感帶點爽身，味道有驚喜。

飽到咖啡都飲唔落，原來打算的下半場告吹。

餐廳資料:
燒肉而今
尖沙咀梳士巴利道18號維港文化匯K11 Musea 6樓603號舖
28680929