食物：$$$$
環境：$$$$
服務：$$$$
唔知大家有逛過啟德新商場Airside未?
不過我相信即使未去過，亦會被眾人的相片/影片洗版，對呢個新地標絕對唔會陌生。
筆者就短時間內到訪過幾遍，其中一次，是在Chef's
Cuts Restaurant & Bakery用餐。
還記得兩年前，我去過佢屯門黃金海岸的總店大擦聖誕餐，印象正面，甜品尤其有驚喜。
來到啟德新旗艦店，近門口位置有麵包賣，設酒吧區，仲見到牛肉風乾櫃及蠔吧，地方更大，食物種類更多。
先來些前菜醫肚，作為食肉獸，自當會揀牛肉他他。鮮香的牛肉塗在脆多士之上，是不錯的開場。
有人見到蠔吧的生蠔，已嚷著想吃。與其單吃生蠔，倒不如來客海鮮拼盤大家開心些牙?
拼盤內容豐富，質素不俗，龍蝦肉新鮮爽彈，帶子是北海道貨色，水準不用懷疑。而且仲有蜆、藍青口及海蝦等，當然也不乏生蠔了。
人多總會愛點上薄餅，這份煙燻火腿羊奶芝士西班牙薄餅，先勿論是否最正宗，薄身而邊位夠脆，羊奶芝士香而不羶，結合咸香的風乾火腿，小量火箭菜等，好吃的。
24日熟成既黑安格斯肉眼扒，表層微微焦脆，肉質香又細嫩，最理想食法是不顧儀態，用手拿起枝骨大啖大啖去齒。旁邊的薯條新鮮炸起，其實都好好食。
有牛也該有羊吧，火侯控制同樣理想，肉嫩，羶香適可而止，不比安格斯牛遜色。
席上有朋友必要有米飯到肚，那就來客店家招牌既辣肉腸海蝦香料燴飯，濕潤既米飯與惹味的辣肉腸好夾，面頭既海蝦變成了點綴而已。
甜品環節，黃豆曲奇配綠茶雪糕，加埋綠茶口味的麻糬，我想綠茶控必會被深深迷倒。
機場搬遷後，一直都未踏足過啟德添😅
回覆刪除我都係呢個商場開左先踏估番咋
刪除