新同樂 - 做節

食物：$$$1/2
環境：$$$$
服務：$$$ 

中秋佳節，人肉兩團圓，都係要食好少少既。

老媽子揀左去新同樂，呢間連續多年奪得米芝蓮二星的老牌粵菜館午餐。

數數手指，對上一次來已是八年前，當年食阿公，嚐盡新同樂的招牌菜式，吃到Lam Lam脷。

又原來，雖然我到訪過呢個品牌好多遍，次次都係食晚飯，從未來過飲茶的。

過時過節，每枱都放上了月餅，半件迷你蓮蓉，半件奶皇，俾大家應下節。

懶得諗，叫套餐就好。打頭陣的鮮圍蝦金粟翠蔬沙律，賣相好西式，小朋友或者會更受落。

即使是午餐，亦不缺湯品。花膠筒瑤柱燉鮮雞，湯頭十分鮮甜，加上體型唔細既花膠筒，女士們應該尤其喜歡，畢竟老字號粵菜館的燉雞，總會是信心保証。

一籠三粒的點心薈萃，係好大粒好足料，味道亦交到功課，不過作為一間星店，我覺得賣相可以弄得精緻點。

主菜的星斑球，火侯控制理想，肉質嫩滑，夾埋蒜茸食本身幾好，但蒸魚豉油來得比較重口味。

乾煏牛筋骨是新同樂的招牌菜，肉質一如以往的鬆化，帶點脂香，不過燒汁的味道又是很重手。

煙韌的稻庭麵與濃郁之蝦湯打成一遍，加幾隻簡簡單單的水餃，已合我心。

甜品的冰花鮮腐竹銀杏竹笙燕窩又是足料之作，愈喝愈感清潤，平時不太好中式糖水既筆者，也可整碗清掉。

餐廳資料:

新同樂魚翅酒家

尖沙咀彌敦道132號美麗華商場食四方4樓4D號舖

2152 1417