Yau Veggie Bistro - 精緻法式素食

食物：$$$$
環境：$$$$
服務：$$$1/2 

以前的南豐紗廠，十間餐廳有九間唔做晚市，不過依家出現左異數，晚上可以嚐到一家法式的素食館。

據說店子曾是西營盤的名店，數月前才遷過來，只是我呢個食肉獸，從來不知道。

週日到來，可直行直入，但如果你是山長水遠路過來的話，還是預先訂位比較穩陣。

晚市沒有套餐，在A la Carte餐牌中隨意挑選便是。頭盤之一，我哋揀左香煎鵝肝配焦糖蘋果。

素鵝肝的質感好細滑，味道與真的確有幾分相似，焦糖蘋果正好中和素鵝肝那種偽肥膩的感覺，連埋墊底脆卜卜的法包一齊放入口，有驚喜。

另一款是馬介休球，咬落去香噴噴，口感外微脆，內裡軟綿綿，不會死硬，也好。不過吃時要小心，因為頗燙口的。

主菜就有法式紙包魚，自行撕開，再用匙將汁醬淋在素魚既身上。採用的是Omni的新魚柳，質感是近似的，幾實在。味道是可以，加埋配角的磨菇、番茄、洋蔥及橄欖等，豐富。

我呢啲偽英國忠粉，見到有牧羊人批，即時點上。製作需時，但送上來時熱呼呼香噴噴，就知值得等。吃時要一匙過，幼滑的薯茸連同素牛肉、番茄及洋蔥等材料一次過吞下，才是吃牧羊批的精彩之處。

甜品的火焰雪山製作同樣花時間，所以一早已下單。環境太光猛了，最太影到火焰的效果，再者是中芯的雪糕太小了，這份甜點，令今餐留下了絲絲的遺憾。

如果你係討厭啲整色整水，扮肉既素食店，呢度就唔岩你了。

餐廳資料:
Yau Veggie Bistro
荃灣白田壩街45號南豐紗廠1樓118號舖
68990989