食物：$$$1/2
環境：$$$1/2
服務：$$$1/2
父親節既午餐，夾到阿妹一家人時間，人齊可以食多幾味。
遷就外甥女跳舞，在荔枝角食最為方便，大公館絕對是區內的首選。
已有一段時間沒來，對上一次到訪，是在館內的另一outlet
(大公別館)
同阿姨餞別，吃的是火鍋。
火鍋質素唔錯的，可惜這個打邊邊的地方，已與香港很多美好的東西一樣，已經消失了。
話說遠了，講番今餐在大公館的午餐。飲茶食叉燒，已是指定動作。呢度有小食份量的叉燒，都是黑毛豬，偏肥而帶燶邊，可是未夠鬆化。
家陣愈來愈多地方可以嚐到金魚餃，外型過關的，小朋友見到好開心，澄麵皮不黏牙，如果蝦肉餡能再爽身啲，會較好。
咸水角是豬仔造型，其實好難做得精緻，即使昔日文華廳也就是差不多。至少口感與味道跟傳統的沒兩樣，我已收貨。
刺蝟造型的包包，查實係叉燒包。今次六隻刺蝟形狀不一，也未夠細緻，或者是父親節的緣故吧！味道正常的，包身帶點微脆，但坦白說我寧靜食傳統裂口的蜜汁叉燒包，大概是我早已欠缺童真。
蝦腸特別在加入了蟲草花，腸粉皮總算薄而滑。
稍為高檔一點的地方都有鮑魚雞粒酥，不過做得好的卻沒多少間，呢度於我而言都未算合格，或者我早已先入為主，以龍景軒的出品去作量度。
炒飯倒是不錯，粒粒爽口，既有叉燒及圍蝦，更有梅菜去豐富層次，我難得地吃了兩碗。
甜點的芝麻卷幾香，福果香芋燉3.6牛乳都夠晒香滑，肯定比我的雪燕楊枝甘露要好。
簡簡單單飲餐茶，之後去D2同小朋友睇下公仔，已經是父親節很好的節目。
將傳統叉燒包“meet”開嗰下，係精髓！
回覆刪除同意呀
刪除