阿閒泰 - 進佔世貿

食物：$$$1/2
環境：$$$$
服務：$$$$ 

K11的阿閒泰，是我喜歡的新派泰國菜館，久唔久會去回味一番。

這個星期打完波，同波友在附近找吃，發現原來佢係世貿開左分店，立即提議前來。

波友沒反對，二人便向著世貿方向走去。

銅鑼灣店比K11店更優勝，因為附送一個維港景觀，我哋早到仲可以進佔窗口位。

在尖咀店喝過泰式奶茶及鴛鴦，俱不錯，但是日中午才飲了茶走，都係要杯氮氣冷泡檸檬茶吧！質感順滑，多點層次，倒是不俗。

小食先來份軟殼蟹米紙卷，除了軟殼蟹夠香脆外，特別之處還加入了子薑，創新得來味道又幾好，不是為搞噱頭而做。

冬蔭公濃湯，的確比較杰身，酸辣味道跟一般的冬蔭公差無幾，配合各式海鮮如蝦、魷魚等，幾開胃。伴以蒜香味道既農夫包，將濃湯一滴不漏地清掉。

燒雞勝在夠香，肉質亦不嚡口，仲有大份量既菠羅，搞到我即時諗起某位食友。

由於咸食Keep到水準，波友話不如叫客甜品些牙食，我當然樂意奉陪。

佢揀左最大路既芒果糯米飯，用上的是紫糯米，賣相靚，食得又睇得。

餐廳資料:
阿閒泰
銅鑼灣告士打道280號世貿中心4樓L4-06號舖
98062628