食物：$$$1/2
環境：$$$$
服務：$$$$
經常介紹餐廳，就算係質素頂級既Fine
Dining，大家都可能睇到悶。
是日去既呢個地方十八夢，集科技、藝術、美食，以及音樂於一身，帶俾各位不一樣既體驗。
今次到訪，更加係欣賞到香港首個5D夢幻沉浸式美食劇場『異世界。捕夢之旅』。
詹Sir
(詹瑞文)為首的製作團隊，以精彩既捕夢故事，俾大家一個全感官既體驗。故事內容唔係度透露，大家有興趣可以自己親身去感受下。事先做個總結，就係當我踏入餐廳既一刻，已經進入左另一個世界，大概就係劇中那夢境世界那亦幻亦真的感覺。
會唔會掛住舞台表演，而忽略左食物質素架?
我哋又睇下。
先嚟既叫做夢海浮沉，即是羅馬蕃茄湯羅勒湯。器皿都好精緻好有特色，打開蓋原來是兩粒麵包粒，有趣。湯其實好濃郁。店方都明白湯係偏少，所以會另外送上一盞『阿拉丁神燈』，俾大家自行加湯。
第二道係時令刺身，盒子夾著一隻紙蝴蝶，打開盒蓋，蝴蝶就可自由地飛出來，好有心思。幾款刺身都好新鮮。真蠔之上放了魚子及三文魚籽，以酸汁來提味，肉爽而清新。鰤魚爽身，帆立貝好鮮甜。馬糞海膽當然也不用多說了。縞蝦的水準亦相當之高。
主菜我揀左彩虹牛，將A5和牛柳粒慢煮完再輕煎，入口鬆化，脂香十足是理所當然。不同顏色及味道既薯茸唧成長條形，再加埋其他配菜，係一道好睇又好食的菜色。
試左少少朋友既伊比利亞豬鞍，咁厚身但入口完全唔會韌，充滿肉香，近骨既位置一定更好食。
甜品叫做甜椰椰之歌，切開呢件椰子雲，內有香甜既芒果醬，整體味唔太甜，適合香港人既口味。
嘢食唔錯，又有精彩表演既體驗，認真大開眼界。
食完睇完之後，我都問自己一句，到底依家既我仲有無夢想呢?
沒有留言:
張貼留言