食物：$$$$
環境：$$$$
服務：$$$$
久未露面既朋友相約食晚飯，地點係中環的美利酒店，我心暗喜，皆因我從沒在這所酒店的餐廳用餐 (紅棉除外)。
甫坐低，店員便拿來麵包，四款都好高水準，個人尤其喜歡牛油軟包和芝士脆片，但我邊吃邊提醒自己要保留食力。首次到來，餐牌內的每款東西都好想吃的，你一言我一語，今次又肯定係叫多左。不打緊，食唔晒就打包了吧！
單是小食都好震撼。帶子輕煎香兩邊，質感保持嫩滑，再配上蛋黃汁醬，成件事幾清新，幾枝我喜歡的粟米芯，乃錦上添花。
龍蝦送上來，真有幾分吃法式田螺之感覺。龍蝦肉細嫩彈牙，唔會韌得像趙擦字膠，結合蒜味牛油汁醬及多士，一試愛上。
招牌的蟹餅水準當然不用置疑，咬落香脆，內裡是勁足料的絲絲蟹肉，鮮味十足，配上特製的柑橘他他醬，滿分！厚身、內口溶化的鵝肝，我是從來抗拒不了的。頂頭的無花果，讓我減低罪惡感嗎?有人話想飲湯，好在只是叫左兩碗不同款式的大家分享，否則飲完個湯可以離場了。龍蝦湯是預期之中的濃郁，不過我更欣賞周打魚湯，好Creamy，材料豐富，配以一小件煙燻過的車打芝士餅同吃，好耐無飲過如此優質的出品。睇到呢度，係咪覺得好豐富呢? 實情係，主菜依家先陸續送上，率先出場既係龍脷魚。大廚即魚肉界開，淋上青醬汁，嫩滑醒胃。若然你是不愛青BB的汁醬的話，也可選擇其他的醬汁，如胡椒汁，或者奶油醬汁等。雞肉又是非常有驚喜，切下去已發出『咔嚓』聲音，可預知雞皮的香脆程度絕對唔嘢少。再者，肉質又是十分嫩滑，好讚！牛筋肉的火侯控制當然好，入口鬆化，大廚的自家汁醬又令成件事更上一層樓。太飽太飽了，甜品只點兩款就好了，分別係蘋果金寶，與及朱古力蛋糕。蘋果金寶夠香也鬆脆，但我一向對此品不甚熱衷，多吃兩口濃郁的朱古力蛋糕吧~
好啱食呀😋！唔知幾時至有機會大刷一餐呢😅
回覆刪除快去
回覆刪除