潮州人 - 非潮菜

食物：$$$$
環境：$$$1/2
服務：$$$1/2 

『潮州人』賣既並唔係潮州菜，你不會在店內吃到鹵水、凍蟹、魚飯，或者反沙芋。

佢叫潮州人，純粹係老闆欣賞潮州人既拼搏精神，無其他。

而店子其實係食米粉，最巴閉嗰款，是花膠米粉，幾十蚊貨仔。店子在太子經營時期，我幫襯過幾次，嘢食好岩心水，久唔久想回頭重溫。

某日發現佢既版圖擴充至灣仔，我心想，今次有口福了。結果，我連續食了兩天。

第一日，吃的是金牌花膠拼廣島蠔米粉，兩者都是招牌。新竹米粉幼滑爽口，花膠大大片，口感軟滑，雖不是很厚身，但對得住個價錢有餘。

廣島蠔漲卜卜，味道勁鮮美，入口好juicy，保持太子店的一貫水準。

第二次來，叫個碗清酒大蜆湯米粉，加隻醉蛋。睇隻蛋既顏色，與及溏心程度，大概可知其水準。的確，酒香陣陣，蛋黃香甜，非常迷人。

至於個米粉，我呷啖湯，就是恰到好處的清酒香，蜆肉同樣鮮嫩。下次應該要飯，索晒啲精華，諗起都流口水。

竹蔗茅根水，勝在清甜又冰凍。

餐廳資料:
潮州人
灣仔皇后大道東58-64號帝后商業中心地下E號舖