生鮪 - 起死回生的鮪魚丼?

食物：$$$1/2
環境：$$$1/2
服務：$$$$

長沙灣長盛豪苑地下幾個舖位，堪稱死位，多年來做乜瀨乜，無一幸免。

早三兩年，拉麵陳將白布烏冬帶過來，以佢既名氣，我以為會有一線生機。

然而，我幫襯過兩次，都是包場狀態，靜過太空。

沒多久，白布烏冬不見了，不過拉麵陳唔係就咁投降，而是換上另一品牌，生鮪。

門面貫切拉麵陳的風格，十分低調。裡頭跟我上次去白布烏冬時一樣，空無一客。

餐牌十幾款的選擇，都是鮪魚、帆立貝、海膽及三文魚籽的組合。

揀左同我高度一樣，$193的五號餐。

幾大堆頭的丼飯，起勢咁撈呀撈，拌勻後即可起動。

中拖羅確是鮮美，帆立貝亦然，而且比預期中厚身。三交魚籽的爆汁感覺，撈飯一流。三扒兩撥，米飯被我吃得一粒不剩。

飲埋碗濃味但不嗆喉的味噌湯，滿足而歸。

埋單出左門口才驚覺忽然落狗屎，唯有跑去附近的咖啡店，飲杯Dirty避下雨。

餐廳資料:
生鮪
長沙灣長沙灣道638號長盛豪苑地下C號舖
31700169