2022年8月25日 星期四

永年士多 - 港式鐵板



食物:$$$1/2
環境:$$$$
服務:$$$$ 

每次去沙田永年,都係食車仔麵,十五分鐘搞掂,方便快捷,乾手淨腳。

今次不一樣,幾條友來,目的卻是為了港式的鐵板餐,真係估唔到永年會做呢味嘢。

鐵板和酥皮湯是鐵膽,加多些小食,結尾再來份甜品,夠晒皮。

既然一心來懷舊,小食就來份煎釀三寶,青椒與釀豆腐正常發揮,特別在於以苦瓜取代了茄子,估唔到都夾得來。

又要份沙律,懶健康。大蝦牛油果沙律,前者爽口,牛油果這東西歡迎程度甚高,不過又係幾飽肚的。

入戲肉,係周打魚湯,可以加錢要酥皮,何樂而不為? 湯頭幾creamy,巧足料,我是難得地,整碗湯,連酥皮,吃清光。

吃鐵板餐,我肯肯定係食牛啦!有甚少機會嚐到的鐵枝封門柳,就不作他選。成品送上,靚仔既,起碼唔會好似坊間唔少港式鐵板咁了無生氣,淋上洋蔥汁,沙沙聲響蠻吸引,滿有兒時回憶。五成熟的出品,入口鬆化,火侯拿捏準確,不錯吃。

試了少少朋友的鐵板佛跳牆車仔麵,這出品大概真是全港首創了吧!鮑魚、花膠、冬菇、金蠔等等,總之就係佛跳牆的材料,款款都做得唔錯,配埋濃郁的鮑汁,有水準。墊底的脆麵鬆脆可口,跟鮑汁也是天作之合,意想不到地出色。

最後整多份西多士伴雪糕。厚身的西多夾黑芝麻醬,比起傳統之西多士更濃郁,更邪惡。

食懷舊鐵板,飲杯凍檸樂,爽爆!


餐廳資料:
永年士多
沙田沙田正街18號新城市廣場L1樓113號舖
21172368

4 則留言: