食物：$$$$
環境：$$$$
服務：$$$$
身邊有些朋友，已經動身去左一轉旅行，畢竟香港人真係唔困得。
不過，我仍未有呢個打算，總之留港盡量吃多國既美食，讓味蕾去旅行就好。
如是日，在金鐘的Apinara，品嚐佢哋新推出既曼谷唐人街盛宴，我已當自己去左當地吃喝玩樂。
人未齊，可先飲住嘢慢慢等，呢度啲Cocktail賣相都幾靚仔。唔飲酒既朋友，當然可以揀泰式奶茶檸茶，甚或是沙冰啦！
講番呢個盛宴，六位起，餐廳每晚只做一枱，盛惠$688/位，加一。
盛宴既第一道菜，係泰菜常會吃的生蝦刺身。收得呢個價錢，當然唔係呁簡單。升級用上日本牡丹蝦，同埋北海道帶子來製作。牡丹蝦頭炸得酥脆香口，蝦肉加埋北海道帶子的刺身，頂頭放上魚籽醬，層次更豐富。墊底綠色的，就是平時的生蝦汁，呢度將佢弄成啫喱狀，辣度都唔嘢少。
跟住嚟既球狀物體，並唔係蝦丸，而是紅咖喱魷魚球。香脆而口感豐富，再滲出紅咖喱，甚至冬蔭公的香辣，蠻特別的。
再來的冬蔭公，是結合了中式酸辣湯的做法，內有蟹肉、金華火腿、木耳絲、菇絲及豆干等，吃起來酸辣俱備，好有驚喜。
去曼谷，最中意食當地街頭既豬手。今次嚐到既豬手都好掂，大大隻睇見口水流。當經理幫忙切開時，已深知會是好東西。外皮膠質重，肉質鬆化無比，汁醬恰到好處，加碗白飯來伴之，不羨仙。旁邊仲有每人半隻的溏心蛋，不得了。呢道菜，係將曼谷街頭既豬手，昇華左去另一個層次。
泰式蟹肉奄列，厚身得驟眼睇似法包，切開後，中芯有唔少鮮美既蟹肉，夾埋啲炸蒜及乾蔥，再沾些是拉差辣椒醬，惹味可口。
之後有佛跳牆，打開盅蓋，盡是海參、鮑魚、花膠、瑤柱等的矜貴材料。湯頭則是以海魚及豬骨等肴製而成，原來仲加入左香茅、南薑等，增添泰式風味。奶白色的湯，真的很濃郁，充滿骨膠原，結合各款矜貴食材，好有氣派。
菜式實在太豐盛，單尾的鮑汁撈麵，我無法完成。
不過甜品又係另一個胃，焦糖燉蛋加燕窩，燉蛋好滑，焦糖面清脆唔黏牙，加埋頂頭大大堆養顏的燕窩，男女士都會喜歡。
將曼谷街頭美食登上大雅之堂，呢一餐，大開眼界。
頭盤十足食剌身咁，好鬼吸引呀！
回覆刪除成餐都好吸引呀
刪除泰式佛跳牆真係好特別。
回覆刪除